Wezîrekî Îranê: Em tênagihin zimanê girtiyan

Efserekî lêkolîner ji Wezîrê Kultur û Geştûguzariyê yê Îranê re gotiye: “Ne em têdigihin ku girtî çi dibêjin û ne jî ew ji me têdigihin.”

Wezîrê Kultur û Geştûguzariyê yê Îranê di vê derbarê de roja Yekşemê 6ê Mijdarê li zanîngeha Şerîf a Tehranê axivî de got: “Lêkolînerê sereke yê girtiyên vê dawiyê yên xwepêşandanên Îranê ku ezmûneke wî yê dirêj di lêpirsîna siyasetmedaran de ye, piştî ku bi sedan lêkolîn di van rojan de kirine, li xwe mikur hatiye ku ew tênagihin zimanê (bîr û baweriyên) ciwanên hatine girtin.”

Xwepêşanderên Îranê zêdetirî 50 roj in li dijî kuştina keça Kurd Jîna Emînî xwepêşandanan li dar dixin. Li gorî amarên Rêxistina Mafên Mirovan a Îranê, heta niha 304 kes hatine kuştin û hejmara birîndar û binçavkiriyan bi zelalî nayê zanîn.

Medyaya fermî ya Îranê behsa dadgehkirina hezar girtiyan di xwepêşandanên vê dawiyê yên Tehranê de kiriye û rêxistinên mafên mirovan jî hişyariya bidarvekirina çend xwepêşanderan dane.