Kommersant: Plana Rûsya ew e ku li Sûriyeyê hebûna xwe ya leşkerî kêm bike

Rojnameyê di nûçeya xwe de got: "Artêşa Sûriyeyê piraniya axa welatê xwe xistiye bin kontrola xwe û êrişên grûbên tundrew kêm bûne, lewma pêwistî bi piştgiriya Rûsî nemaye." Lê Wezareta Parastin a Rûsyayê hê ev plan serast nekiriye.

Li gorî nûçeya Kommersantê ku dispêre çavkaniyên ewlehî, Rûsya wê qismek balafir, endezyar û karmendên teknîkî yên li Baregeha Hewayî ya Hmeymîma Sûriyeyê vekişîne.

Herwiha li gorî çavkaniyekî din jî biryara dawî ya Serfermandar û Serokê Dewleta Rûsyayê Vladimîr Pûtîn e û hê Pûtîn di wî warî de ti biryarek nedaye û Wezareta Parastinê jî ev plan serast nekiriye.