Civîna Heyeta Îmraliyê û Wezîrê Dadê hat bipaşxitin

Biryar bû Heyeta Îmraliyê ya DEM Partiyê di çarçoveya pêvajoya aştiyê de 18ê Nîsana 2025an derbarê gavên yasayî yên ji bo pêvajoyê li gel Wezîrê Dadê yê Tirkiyeyê Yilmaz Tunç bicive.

Lê şeva borî krîza dil li endamê Heyeta Îmraliyê Sirri Sureyya Onder da û li nexweşxaneyeke taybet a li Stenbolê hat emeliyatkirin û rewşa tenduristiyê ya Onder ne baş e û metirsî li ser jiyana wî heye.

Li gorî zanyariyan, Parlamenterê Mersînê û Alîkarê Serokê Giştî yê Partoya DEVAyê Mehmet Emîn Ekmen dema li nexweşxaneyê çûne serdana Onder, derbarê civîna Şandeya Îmraliyê û Wezîrê Dadê pirs ji Hevserokê DEM Partiyê Tuncer Bakirhan kiriye.

Tuncer Bakirhan jî ji Ekmen re gotiye ku ew civîn ji ber rewşa tenduristiyê ya Sirri Sureyya Onder hatiye bipaşxistin.

Parlamenterê Partiya DEVAyê Mehmet Emîn Ekmen bi xwe jî di pêwendiyeke telefonî de ev agahî ji Tora Medyayî ya Rûdawê re piştrast kir.