Heyeteke berfireh a DEM Partiyê piştî serdana Îmraliyê banga Rêberê PKKyê Abdullah Ocalan belav kir
Şandeya DEM Partiyê, piştî sê hevdîtinên ku bi bang û daxwaza Bahçelî li Girtîgeha Îmraliyê hatibûn kirin doh li Stenbolê daxuyaniya Abdullah Ocalan a bi navê "Banga Aştî û Civaka Demokratîk" ragihand.
Rêberê PKKyê Ocalan banga danîna çekan kir.
Sirri Sureyya Onderê Heyeta Îmraliyê ya DEM Partiyê piştî banga Ocalan got:
"Bêguman di pratîkê de danîna çekan û fesixkirina PKKyê pêwîstiya naskirina aliyê siyaseta demokratîk û hiqûqî derdixe holê."
Bahçelî di Xê de amaje bi hatine meha Remezanê jî kir û wiha nivîsî:
"Çi xweşbextî ye ji bo me ku em li ber deriyê qonaxeke pîroz in ku dê cudahiyên sext, nakokiyên çêkirî û şaşfêmkirinan bi temamî ji jiyana me ya neteweyî bên rakirin."
"Em di nav aştiyê de bijîn"
Serokê MHPyê di berdewamiya peyama xwe de bi kurtasî wiha got:
“Ez bi taybetî dixwazim ku em bêyî derfetê bidin çavên xirab, gotinên vala û niyetên xerab, bedewiyên manevî, xelat û hikmeta tijî rênîşandana meha Remezanê di nav sînorên aştî û yekîtiyê de bi têrî bijîn.
Xwesteka min a yekem ew e ku li ser rêberiya amel û exlaqeke saf û rastîn, welat ji serî heta binî bi aramî, bêhnfirehî û biratiyê were dorpêçkirin.”
