Erdogan: Di erdhejê de 912 kes bûn qurbanî û 5385 kesî birîndar in

Îro danê sibê erdheje bi hêza 7.7 pile li ser pîvera Richterê li parêzgeha Mereşê rû da, li Tirkiye, Bakur û Rojavayê Kurdistanê gelak xanî hilweşiyan û hejmarek mezin ji welatiyan bûn qurbanî.

Serokomarê Tirkiyê Recep Tayyîp Erdogan eşkere kir, di erdhêja Mereşê de 912 welatî canê xwe ji dest dane û 5 hezar û 385 welatî jî birîndar bûne.

Erdogan diyar kir, ji NATOyê heta Ewropayê 45 welatan dixwazin alîkariya Tirkiyê bikin.