Wezîrê Karên Derve yê Tirkiyeyê Hakan Fîdan li ser rûdanên dawiyê ji televîzyona Al-Hadathê ya Erebistana Siûdî re axivî.
“Divê kes ji cihê xwe neyê derxistin”
Hakan Fîdan diyar kir ku divê her kes li cihê xwe bijî û anî zimên:
“Divê Kurd, Ereb, Tirkmen, Êzidî û Elewî li cihên xwe bijîn, divê kes ji cihê xwe neyê derxistin.
Cihên ku Kurd aidî wan in hene, Ereb û Tirkmen jî lê nabe hûn bi piştgiriya ji derve xaka xelkê dagir bikin.
Nabe ku ev berdewam bike û piştî Xwedê dê neke jî.”
Fîdan di axaftina xwe de behsa siyaseta Tirkiyeyê ya li Sûriyeyê kir û diyar kir, armanca wan a sereke ew bû ku rê li ber penaberan bigirin bigirin da ku neçin Tirkiyeyê.
Fîdan anî zimên ku Tirkiye bi mixalefetê re xebitiye û pê de çû:
"Tirkiye rasterast bi Artêşa Niştimanî ya Sûriyeyê û Eniya Rizgariya Niştimanî re dixebitî.
Li Îdlibê di bin kontrola Heyeta Tehrîr El-Şamê (HTŞ) de 4 milyon welatiyên Sûriyeyê dijiyan.
Mimkin bû ku ew dema krîzekê bihata Tirkiyeyê.
Ji bo ku ev krîz dernekevin û hebûna li wir bi aramî berdewam bike, bê guman me her tim di nava hevahengiyekê de kar kir û me di wê pêvajoyê de jî derfet dît ku em heyetê nas bikin."
