Ji Demirtaş bi 4 zimanan peyama li ser Îranê

Siyasetvanê Kurd Demirtaş li ser hesabê xwe yê Twitterê bi 4 zimanên Kurdî, Farsî, Azerî û Tirkî li hember cezayê darvekirinê li Îranê bertek nîşan da.

Demirtaş di peyama xwe de dibêje, “Ez dewleta Îranê ya ku daxwaza azadiyê ya gelan bi kuştin, girtin û sêdareyan difetisîne şermezar dikim!”

Di beşeke din a peyama xwe de Demirtaş dibêje, “Daxwaza azadiyê ya gelan bi îdamkirin, lêdan û zindanan nayê rawestandin. Bi kuştinê daxwaza azadiyê nayê tunekirin.”