Hevserokê DEM Partiyê Tuncer Bakirhan li Medyascopê bersiva pirsên Ruşen Çakir da.
Tuncer Bakirhan behsa naveroka hevdîtina xwe ya li girtîgehê ya bi Selahattîn Demîrtaş re kir.
Hevserokê DEM Partiyê Bakirhan ragihand ku Demîrtaş gotiye, "Partî baş bi rê ve diçe.
Bi rastî eger di vê mijarê de neyeta hikûmetê pak be, hemû berpirsyariya ku dikve ser milê DEM Partiyê divê bi awayekî bêkêmasî bi cîh bîne."
Her wiha Bakirhan diyar kir ku Demîrtşa ji wan re gotiyê, "Ez piştgiriya we dikim. Ez li vê derê me.
Ji bo her alîkariyan ez heme. Lê belê navenda çareserkirina vê pirsgirêkê Îmrali ye, birêz Ocalan e.
Her biryareke ku Ocalan bide baweriya min a mezin pê heye û ez pê bawer im."
Bakırhan, îdiayên ku dibêjin di nav Partiya Dem de dubendî heye bi tundî red dike û got:
"40 sal in hewl hat dayîn bi cudakirinên wekî `baş-xerab`, `kevok-baz` alîgirên me bi xwe parçe bikin. Ev hewldan bi ser neketin."
"Serok Selahattîn DEM Partî ye"
Hevserokê DEM Partiyê Bakirhan diyar kir ku armanca wan a serke demokratîkbûna Tirkiyeyê ye û çareserkirina pirsa Kurd bi rêyên demokratîk e.
Bakirhan tekez kir ku eger zemîneke bi vî rengî çêbibê wê ti revebirên partiyê îtirazî vê yekê nekin.
Li aliyê din li ser yektiya nav partiyê Bakirhan got, "Serok Selahattîn DEM Partî ye, DEM Partî Serok Selahattîn e. Serok Fîgem (Yuksekdag) DEM Partî ye, DEM Partî Serok Fîgen e.
Bakirhan bal kişand ser dîroka 40 salî ya tevgera siyasî ya Kurd û diyar kir ku hewldanên cudakirinê encam nedane û nadîn, "Zemîna Kurd ne zemîneke wisa ye. Zemîna Kurd prîm nade wan."
