YSKê berbijêrê Partiya Çep a Kesk red kir û lîste guherî

Mehmet Kaysî yê ku ji aliyê Partiya Çep a Kesk ve ji bo hilbijartinên parlamentoya Tirkiyê, ji Sêrtê wek berbijêr hatibû diyarkirin ji aliyê Komîsyona Bilind a Hilbijartinên Tirkiyê ve hat redkirin.

Serlêdana Kaysî ji ber ku di 16ê Adara 2023an de ji erka xwe ya endamtiya Encûmena Giştî ya Parêzgehê îstifa nekiriye nehatiye qebûlkirin. Li ser vê yekê Endamê Komîteya Dîsîplînê ya Navenda Giştî ya Partiya Çep a Kesk Abdullah Çetîn li şûna wî di rêza 3yemîn de bû berbijêr.

Tuncer Bakirhan berbijêrê di rêza yekemîn ê Sêrtê yê Partiya Çep a Kesk e, û Sebahat Erdogan jî di rêza duyemîn de ye.