Mesrûr Barzanî û Balyozê Fransayê tekezî li ser parastina ewlehî û aramiya navçeyê kirin
Serokê Hikûmeta Herêma Kurdistanê Mesrûr Barzanî îro 30î Hezîranê pêşwazî li Balyozê Fransayê yê li Iraqê Patrick Durel kir.
Di hevdîtinê de, ku Konsulê Giştî yê Fransayê li Herêma Kurdistanê Yann Braem jî amade bû, pêşxistina pêwendiyên dualî û rewşa giştî ya Iraq û navçeyê hatin gotûbêjkirin.
Mijareke serekî ya civînê, çareserkirina kêşeyên di navbera Herêma Kurdistanê û Hikûmeta Federal de bû. Di vî warî de, tekezî li ser girîngiya rêzgirtina li qewareya destûrî ya Herêma Kurdistanê û dabînkirina maf û şayisteyên wê yên darayî hat kirin.
Herdu alî li ser pêwîstiya parastina ewlehî û aramiya herêmê hevnêrîn bûn.
