Serok Barzanî û Balyozê Fransayê pirsgirêkên Hewlêr – Bexdayê gotûbêj dikin
Serok Mesûd Barzanî îro 30î Hezîranê pêşwazî li Balyozê Fransayê yê li Iraqê, Patrick Durel kir.
Di hevdîtinê de, ku Konsulê Giştî yê Fransayê li Hewlêrê Yann Braem jî amade bû, rewşa siyasî ya navçeyê, geşedanên dawî û gefên li ser aramiya herêmê hatin gotûbêjkirin.
Mijareke din a girîng a hevdîtinê, pirsgirêkên di navbera Hewlêr û Bexdayê de bû. Di vî warî de, danûstandinên dawî yên di navbera Hikûmeta Herêma Kurdistanê û Hikûmeta Federal a Iraqê de hatin nirxandin.
Herwiha, hilbijartinên dahatû yên Encûmena Nûneran a Iraqê, qonaxa nû ya siyasî û pêşxistina pêwendiyên di navbera Herêma Kurdistanê û Fransayê de, mijarên din ên civînê bûn.
