Serokê Parlamentoya Irakê: Projeya perçekirina Iraqê nayê qebûlkirin

Serokê Parlamentoya Nûnerên Iraqê Selîm Cibûrî li Bexdayê di civîna xwe ya çapemenî de ji bo amadehiya biryara referanduma Herêma Kurdistanê ragihand ku ti projeyên perçekirina Iraqê nayê qebûlkirin.

Selîm Cibûrî di axaftina xwe de qesta biryara referanduma Kurdistanê ya 25ê Îlonê kir û got: "Di pratîkê de lidarxistina hilbijartinê di wê dîrokê de ne gengaz e. Lê hilbijartina giştî ya Iraqê wê di Nîsana 2018an de werin lidarxistin."

Cibûrî di berdewamiya axaftina xwe de li hemberî pirsa plana referanduma serxwebûnê got: "Em li dijî biryara referanduma bajarekî dernakevin, lê divê ev jî li gorî Destûra Bingehîn a Iraqê be. Projeyeke perçekerina axa Iraqê nayê qebûlkirin."