Rayedarekî Hêzên Sûriye ya Demokratîk (HSD) ku hêza sereke ji YPGê pêk te ji Sputnikê re ragihand ku 25 kes beşdarî HSDê, 35 kes jî beşdarî Artêşa Sûriyeyê bûne.
Rayedarê HSDê eşkere kir ku endamên ASAyê 2 roj berê ji rêxistinê veqetiyane û got: "Ev kes endamên Tuxaya Siltan Mirad, Tuxaya Bîllah Mûntasir, Feylek el Şam û Hêzên Taybet a Arparslanê ne. Du roj berê bi çekên xwe ve firar kirine û xwe spartin hêzên me û Artêşa Sûriyeyê."
Rayedarê diyar kir ku lêpirsîna endamên ASAyê ku xwe sipartine wan dikin û wiha pê de çû: "25 kes xwe sipastin me û 35 kes jî xwe sipartin Artêşa Sûriyeyê. Kesên hatin cem me xwe sipartin şevanên Meclîsa Leşkerî ya Minbicê yên li gundê Sekeriyê û eşkere kirine ku dixwazin beşdarî hêzên me bibin. Em jî niha lêpirsîna 25 kesan dikin, eger pirsgirek tinebe dikarin li cem me bimînin.
Li gorî agahiyên ku ji çavkaniyên HSDê di nav kesên ku firar kirine de Fermandarê Hêzên Taybet a Arparslanê Ebû Elî Reslan jî heye. Rayedarê HSDê eşkere kir ku fermandarê ASAyê Ebû Hayr bi şervanên xwe re beşdarî Artêşa Sûriyeyê bûye û firar kirina ji ASAyê jî dê dewam bike.
Ji aliyê din ve ASAyê jî bi daxuyaniyeke ragihand ku hin kesên tevlî diziye bûne xwe sipartine Artêşa Sûriyeyê.
