NY: Sûriye ber bi perçebûnê ve diçe

Sekreterê Giştî yê Neteweyên Yekbûyî Antonio Guterres di axaftina xwe ya Konferansa Ewlehî ya Munihê ya 54emîn de ji bo pevçûn û tehdîda terorîzma kûrewî banga hişyariyê kir. Guterres di axaftina xwe de got: "Şer û pevçûn ihlalên mafên însanî û hiqûqî jî bi xwe re tîne. Her roj krîz û pevçûn zêdetir dibin."

Antonio Guterres di berdewamiya axaftina xwe de krîza Nîvgirava Koreyê jî nirxand û got: "Divê Amerîka û Koreya Bakur ligel hev bicivin û diyalogên bi encam bikin."

Guterres di dirêjiya axaftina xwe de behsa pirsgirêkên Rojhilata Navîn kir û got: Pirsgirêka Îsraîl û Filistîn, dêrîna sunî û şîîtî, gengeşiya Îran û Erebistana Siûdî û pirsgirêkên welatên kendavê hemû bi hev re girêdayî ne. Aştiya navbera Îsraîl û Filistînê jî ketiye metirsiyê. Sûriye jî bi rîska perçebûnê re rûbirû ye."