Heyeteke HUDAPARê ku ji Serokê HUDAPARê yê Şaxa Batmanê Davut Şahîn, Sekreter Hamit Şimşek, Rêvebirê Batmanê M.Ali Ruzgar, Serokê Komisyona Kurdî a Batmanê A.Rahim Balur ,Endamê Komisyona Kurdî Emrullah Çöklü pêk hatî, roja 29.12.2021ê seredana Teşkîlata Batmanê ya PAKê kirin.
Serokê Şaxa Batmanê ya PAKê Aziz Özdemir ,Endamê Meclisa PAKê Hamdusena Demirel û rêvebirên teşkilata PAKê ya Batmanê pêşwazîya heyeta Huda Parê kirin.
Serokê Şaxa Batmanê Aziz Özdemir , ji bo vê seredanê spasîya xwe pêşkêşî Serokê Teşkîlata Batmanê ya HUDAPARê Davut Şahîn û heyeta li gel wî kir.
Serokê Şaxa Batmanê ya HUDAPARê Davut Şahîn jî ji bo vê pêşewazîyê spasîya xwe pêşkêşî heyeta PAKê kir .
Di seredana heyeta HUDAPARê ya ji bo PAKê de, herdu alîyan di derbarê rewş û rojeva welêt, Tirkîyeyê, herêmê û cîhanê de bîr û rayên xwe anîn ziman.
Herweha ji bo hîna zêdetir pêşdebirina peywendîyên herdu partîyan, heyetên HUDAPARê û PAKê daxwaz û hêvîyên xwe pêşkêş kirin.
Hevdîtina di navbera heyetên Huda-PAR û PAKê di atmosfereke baş û bi awayekî berhemdar derbas bû.
29.12.2021
Buroya Çapamenîyê û Ragihandinê ya PAKê
