Li gor agahiyan, îro 2ê Tîrmeha 2023an li navçeya Gêlê ya Amedê du birayên bi navê Ridvan Akdemir ê 28 salî û Îbrahîm Akdemir ê 24 salî ji bo avjeniyê bikin xwe avêtine avê.
Piştî demekê Ridvan li ber avê çûye û Îbrahîmê birayê wî xwestiye wî rizgar bike, lê wî nekairye birayê xwe rizgar bike û her du bira li ber avê çûne û xeniqîne.
Li ser agadarkirinê, tîmên tendirustiyê çûne cihê bûyerê û bi hevkariya welatiyan termên her du birayan ji golê derxistine.
Termên her du kesan ji bo karê otopsiyê rakirine Nexweşxaneya Dewletê ya Gêlê.
Her îro li navçeya Çinarê jî ciwanê 17 salî yê bi navê S.O ji bo ku avjeniyê bike xwe avêtiye gola avê, lê di nav avê de hevsengiya xwe ji dest daye û xeniqî ye.
Li ser agahdarkirinê, tîmên tendirustiyê û hêzên ewlehiyê çûne cihê bûyerê û piştî derxistina term ji golê termê wî ciwanî bo otopsiyê veguhestin nexweşxaneyê.
Li gor amarên fermî, li Tirkiyê û Bakurê Kurdistanê di nav mehekê de 55 kesan di avê de xeniqîne. Hatiye diyarkirin ku piraniya kesên xeniqîne temenê wan 20 û jêr 20 salî ye.
