Tîma tenduristiyê rastî êrişê hat: 4 birîndar

Piştî ku tîma Tenduristiyê ya Acîlê nexweşek bire Nexweşxaneya Lêkolîn û Perwerdeyê ya Gazî Yaşargîlê ji bo ku vegere cihê erka xwe da rê.

Li Xaçerêya Dîclekentê ya Taxa Talaytepeyê ya navçeya Kayapinarê di navbera ajokarekî û karmendên tenduristiyê yên di ambulansê de ji ber rênedayînê nîqaş derket.

Kesên di otomobîlê de pêşiya ambulansê girt û wan êrişî karmendên tenduristiyê kir.

Ji karmendên tenduristiyê Ş.O û M.E hatin kêrkirin, F.T û E.D jî hatin derbkirin.

Tîmeke din a tenduristiyê çû cihê bûyerê û karmendên tenduristiyê rakirin Nexweşxaneya Lêkolîn û Perwerdeyê ya Gazî Yaşargîlê.

Xebatkarên tenduristiyê piştî tedawiyê ji nexweşxaneyê hatin derxistin.

Polîsan ji bo girtina êrişkarên ku reviyan xebat da destpêkirin.