Xwedî, mîmar û endezyarên navenda bazirganiyê ya ku li Amedê hilweşiyabû hatin girtin

Xwediyê Navenda Karsaziyê ya Diyar Galeria ya li Amedê ku di erdheja 6 Sibatê de hilweşiya, herwiha rêvebirên projeyê, mîmar û endezyarên înşaatê li Stenbolê hatin girtin.

Di çarçoveya lêpirsîna derbarê hilweşîna Otela Îsias a Semsûrê de jî 4 berpirsên otelê hatin desteserkirin.

Li gor daxuyaniya Serdozgariya Semsûrê, derbarê otêla navborî de di medyayê de agahiyên şaş tên veguhastin.

Di daxuyaniyê de wiha hat gotin: “Ji bo berpisên otêla navborî demildest lêpirsînê dest pê kir û lêkolîn bi hûrgilî tên kirin. Di çarçoveya lêpirsînê de berpirsên otelê Ahmet Bozkurt, Efe Bozkurt, Amîne Bozkurt û Şule Ozbek hatin girtin, ji bo kar û baran ew bo bajarê me yê Adiyemanê hatin şandin. Xebatên me dewam dikin û hemû tedbîr hatine hildan."