Barzanî û Cîgirê Serokê Amerîkayê dicivin

Serokê Herêma Kurdistanê Mesûd Barzanî ku ji bo Konferansa Ewlekariya Cîhanê li Munhen a Almanyayê ye, hat ragihandin ku dê îro bi Cîgirê Serokê Amerîkayê Mike Pence re bicive.

Piştî hevdîtina bi Pence re tê çaverêkirin Barzanî digel Sekreterê Giştî yê Neteweyên Yekbûyî (NY) Antonio Guterres, Wezîrê Karê Derve yê Îtalyayê Paulo Gentilonî û Serokwezîrê Iraqê Heyder el Ebadî re jî hevdîtinê bike.

Mike Pence ku berî niha jî bi Barzanî re hevdîtin kiribû, ev cara pêşî ye wek cîgirê serokê Amerîkayê bi Barzanî re dicive.

Rojnamevanê Tirk Fîkret Bîla jî îro di nivîsa xwe de, hevdîtinên Barzanî yên li Munhenê yên asta bilind bi rayedar û serokdewletan re, wek amadekariya ragihandina serxwebûnê nirxandibû.