Ji Serokwezîr bo PKKê: Heke hewce bike em ê hêzê bikar bînin

Serokê Hikûmeta Herêma Kurdistanê Nêçîrvan Barzanî ji Al-Monitorê bi Amberin Zaman re axivî. Barzanî di hevpeyvîna xwe de behsa mijara Şengalê û nîqaşên li ser wê dike û îdia kir ku hebûna PKKê li Şengalê dibe sedema bêaramiya li herêmê. Barzanî di nirxandinên xwe de got ku ‘ji ber hebûna PKKê a li wir Şengal jinûve nayê avakirin.'

Nirxandina Barzanî wiha berdewam kir: "Gelê Şengalê ji dahatuya xwe ne pêbawer in, ji ber wê venagerin bajar. Gelê Şengalê metirsîdar e, ji ber ku dema vegerin nizanin wê bi çi ri rûbirû bimînin. Divê PKK vî tiştî fam bike, ji bo berjewendiya gl ji wir derkeve."

Li ser pirsa ‘Heke PKK di mayina Şengalê de bi israr be dixwazin bibêjin hûnê hêzê bikar bînin?' Barzanî bersiva ‘Erê' da û wiha axivî: "Divê gelê Şengalê biryar bide ku bê wê çawa Şengal bê birêvebirin. Ji ber wê jî divê hêzên destwerdana Şengalê dikin li wir nemînin. Li gor nêrîna me hewcedarî nîne ku PKK li Şengalê bimîne. Divê ji Şengalê derkeve."