Li Kerkûkê du çekdarên DAIŞê hatin desteserkirin

Rêveberiya Giştî ya Îstixbarat û Asayîşê ya li Wezareta Berevaniyê ya Iraqê di daxuyaniyekê de eşkere kir, bi zanyariyên îstixbaratê, du çekdarên DAIŞê li Kerkûkê hatin desteserkirin.

Herwiha diyar kir, yek ji desteserkiriyan ji welatên cîran hatiye û xwestiye bi nasnameya sexte û bi qaçax biçe Kerkûkê, piştre xwe bigihîne parêzgeha Diyale û kiryarên terorîstiyê encam bide.

Di daxuyaniyê de hat ragihandin: “Terorîstê duyem jî ser bi grûpa xelafetê bûye û di sala 2014an de bîet bi çeteyên terorîst daye û birayên wî jî serkirdeyên diyar ên DAIŞê ne.”