Li gor daxuyaniya ku wêneyekî ji BasNewsê re hatiye rêkirin, îro 28.01.2017ê şêwirmendê encûmena asayîşa herêma Kurdistanê Mesrûr Barzanî, pêşwazî li balyozê Brîtanya yê Iraqê Franc Beiker û şandeya gel wî kir û diyar kir: ‘’Geheştina kurdan a mafên xwe dibe faktoreke seqamgirî û qahîmkirina wekhewî di navbera xelkên herêmê de, ku ji netew, ol û mezhebên cuda pêkhatiye.’’
Herwaha di hevdîtinê de ku berpirsê konsolê giştî yê Brîtanyayê li Hewlêrê John Sharp jî amade bû, piştî nirxandina pêşhateyên siyasî û leşkerî li herêmê û çawaniya birêvebirina Mûsilê û piştî nemana DAIŞê hatin gotûbêj kirin.
Di hevdîtinê de Mesrûr Barzanî gotûbêj û pêngavên di navbera aliyên siyasî yên Kurdistanê de bo çareserkirina cudayiyên navxwe rawekir û balkêşa ser pêwîstiya yekrêziya hêzên Kurdistanê, bo ku hêzeke zêdetir ve li hember eger û pêşhateyan raweste, bo bidest xistina berjewendiya hemwelatiyên Kurdistanê. Herwaha behsa nexşerêya serxwebûna Kurdistanê kir, ku xwastekeke hevbeş a hêzên Kurdistanê ye û ragehand: ‘’Geheştina kurdan a bo mafên xwe dibe faktorekî seqamgirî û qahîmkirina wekhewiyê ya navbera gelên navçeyê ye.’’
Ji aliyê xwe ve balyozê Brîtanya yê Iraqê jî behsa siyaset û stratejiya welatê xwe li Iraqê kir û teqez kir ku berdewamiya alîkariyên welatê wan a di şerê dijî terorîstên DAIŞê de bo herêma Kurdistanê wê bidome.
