Mesrûr Barzanî: Yekîtiya Jinan dibistanek bû ji bo pêgehandina gelek jinên jêhatî û serkirde

Cîgirê Serokê Partiya Demokrat a Kurdistanê (PDK) Mesrûr Barzanî bi boneya 71 saliya damezrandina Yekîtiya Jinên Kurdistanê, pîrozbahî li Sekreter û endamên Sekreteriya Yekîtiya Jinên Kurdistanê kir û ragihand: “Yekîtiya Jinan dibistanek bû ji bo pêgehandina gelek jinên jêhatî û serkirde.”

Peyama Cîgirê Serokê PDKê Mesrûr Barzanî:

Bi boneya 71 saliya damezrandina Yekîtiya Jinên Kurdistanê, bi germî pîrozbahiyê li Sekreter û endamên Sekreteriyatê û hemû jinên Kurdistanê dikim û hêviya pêşkeftin û serkeftinên zêdetir ji wan re dixwazim.

Yekîtiya Jinên Kurdistanê di dîroka tevgera rizgarîxwaza gelê Kurdistanê de, roleke girîng lîstiye û dibistanek bû ji bo pêgehandina gelek jinên jêhatî û serkirde.

Bi vê boneyê em pabendbûna xwe ya ji bo parastina mafên jinên Kurdistanê û bihêzkirina rol û pêgeha jinan di birêvebirin û pêşxistina şiyanên wan de tekez dikin.

Salvegera damezrandina Yekîtiya Jinên Kurdistanê pîroz be.

Silav li giyanê pak ê şehîdên Yekîtiya Jinên Kurdistanê û hemû şehîdên Kurdistanê.

Mesrûr Barzanî

Cîgirê Serokê Partiya Demokrat a Kurdistanê