Encûmena Wezîran a Herêma Kurdistanê duh bi serokatiya Serokwezîr Mesrûr Barzanî û amadebûna Cîgirê Serokwezîr Qubad Talebanî civiya.
Di destpêka civînê de, Serokwezîr Mesrûr Barzanî bi navê Encûmena Wezîran spasiya şanda danûstanker a Hikûmeta Herêma Kurdistanê, tevahiya tîma teknîkî ya Wezareta Darayî û Aborî û Serokê Fermangeha Teknolojiya Zanyarî û tîma pê re kir, ji bo bizavên wan ji bo gihîştina wan bi rêkeftineke berfireh li ser mûçe û mafên darayî yên Hikûmeta Herêma Kurdistanê ya tevahiya sala 2025ê, ji bo bidawîkirina xem û nîgeraniyên karmendên Kurdistanê.
Di heman demê de Serokwezîr spasiya sebirkirina karmendan kir û dilniya da ku Hikûmeta Herêma Kurdistanê ji bo dabînkirina mafên darayî yên karmendan û berdewambûna rêkeftina vê dawiyê ya di vî warî de, xemsar nebe.
Mesrûr Barzanî pêşwaziyê li sererastkirina yasaya bûdceyê dike û wê wek gaveke girîng ji bo destpêkirina hinartdekirina petrola Herêma Kurdistanê dibîne, ku ji ber rawestandina wê ziyaneke mezin gihîştiye bûdceya giştî.
Serokwezîr her wiha Wezareta Samanên Sirûştî raspard ku berdewam bin ligel Wezareta Petrola Iraqê, SOMO û kompaniyên berhemhênerên petrolê li Herêmê, ta ku SOMO di zûtirîn dem de dest bi hinardekirina petrola Herêma Kurdistanê bike û dahata wê jî vegere xezîneya federal.
