45 sal di ser Komkujiya Kurdên Feylî re derbas bûn ku ji aliyê rejîma berê ya Îraqê ve hat kirin.
Serokê Herêma Kurdistanê Nêçîrvan Barzanî di salvegera 45emîn a Komkujiya Kurdên Feylî de peyamek belav kir.
“Tenê ji ber ku Kurd bûn û piştevaniya şoreşa Kurdistanê kiribûn”
Nêçîrvan Barzanî di peyama xwe de got:
“Îro bîranîna pir biêş a 45emîn salvegera jenosîda hezaran Kurdên Feylî dikîn ku di êrişa dirindane ya rejîma wê demê ya Îraqê de, rûbirûyê kuştin û girtin û bi zorê veguhastin û wendakirin û wergirtina nasnameya welatîbûna wan û dest bi serda girtina mal û samanên wan de bûn.
Ew tenê ji ber wê yekê bû ku Kurd bûn û piştevaniya şoreşa Kurdistanê kiribûn.”
“Divê Kurdên Feylî ji hemû aliyan ve bên qerebûkirin”
Nêçîrvan Barzanî tekezî li ser daxwaziyên Herêma Krudistanê yên ji Hikûmeta Îraqê kir ku li gorî biryara Dadgeha Bilinda Tawanên Îraqê, divê Kurdên Feylî ji hemû aliyan ve bên qerebûkirin û nasname û mal û samanên wan ji wan re bên vegerandin û pirsgirêkên wan bên çareserkirin."
Nêçîrvan Barzanî her wiha bi bîr xist ku Dadgeha Bilind a Tawanên Îraqê komkujiya li Kurdên Feylî hatiye kirin wekî tawana jenosîdê nasandiye û got:
"Em xwişk û birayên xwe yên Feylî piştrast dikin ku em dê hertim berdewam bin di hewlên xwe de ji bo vegerandina mafên wan û bicihkirina dadweriyê ji bo wan û ji bo vê yekê em dê ti tiştî kêm nekin."
Jenosîda Kurdên Feylî û hemû hewlên jinavbirinê û ew tawanên ku li dijî gelê Kurdistanê hatine kirin, dîrokeke reş û demboriyeke tahl in ku ji bo welat ji bilî nebaşî û nearamiyê tiştek din neanîne."
Divê ev dembori bibe wane ji bo avakirina paşerojeke baştir ku li ser bingeha têgihiştina hev û hevbeşiyê û pejirandina hevdû û parastina mafên hemû pêkhateyan li Îraqê hatibe avakirin."
Komkujiya Kurdên Feylî
Li gorî amaran salên 1980î zêdetirî 22 hezar ciwanên Feylî hatin windakirin, 5000 bazirganên Feylî zindî hatin binaxkirin.
Her wiha 600 hezar Kurdên Feylî ji Îraqê ber bi Îranê ve hatin şandin.
Gelek ji wan di rêya derbederiyê de canê xwe ji dest da.
Serok Mesûd Barzanî di peyama xwe de anî ziman:
“Komkujiya Kurdên Feylî, beşek bû ji plana rejîma berê ya Îraqê ya ji bo jinavbirina gelê Kurdistanê.”
