Şandên Hewlêr û Bexdayê avakirina Banka Niştimanî ya Herêma Kurdistanê gotûbêj kirin

Şanda hikûmeta herêma Kurdistanê ji Wezîrê Plandanînê Dr. Dara Reşîd, Wezîrê Samanên Siruştî Dr. Kemal Mihemed, Berpirsê Nivîsîngeha Hevrêzî û Çavdêriya Ebdulhekîm Xesrew; Berdevkê Hikûmeta Herêma Kurdistanê Cotiyar Adil û Berpirsê Ofîsa Ragihandin û Ragihandinê Fares Îsa pêk tê û duhê serdana Bexdayê kiribûn.

Di civînê de ku Îhsan Elîasrî Şêwirmendê Banka Navendî jî tê de amade bû, her du aliyan tekezî li ser hemahengiya di navbera xwe de li ser rêkxistina sektora bankî û berdewamiya temamkirina rêkarên avakirina Banka Niştimanî li Herêma Kurdistanê kirin.

Şanda Hikûmeta Herêma Kurdistanê ji bo guftûgokirina çendîn mijarên girîng ên girêdayî mafên Herêma Kurdistanê û çareserkirina pirsgirêkên hilawîstî yên di navbera Hikûmeta Herêma Kurdistanê û Hikûmeta Federal de ev du roj in Bexdayê ne.