Di peyama xwe de serokê herêma Kurdistanê Mesûd Barzanî diyar kir: ‘’Ji ber hatina cejna li dayîkbûna hezretî mesîh pîrozbahiya herî germ ez arastey hemû xwîşk û birayên xoştevî yên xrîstiyanên li Kurdistanê, Iraqê û hemû cîhanê dikim û hêviya cejnekî pir di xweşî û şadî de ji wan re dixwazim.’
Herwaha got: ‘’Ji ber êrîşên terorîstên herî hov beşek piraniya xwîşk û birayên xirîstiyan mal û halên xwe bi cîh hêlan û nekarin vegerin navçeyên xwe.’’ Ji bo wê yekê jî hêvî û daxwazên xwe yên piştî têkbirina teror û nemana êrîşan, vegera ser mal û halên xwe û di nav asûdeyî û rihetiyê de jiyanek baş anîn ziman.
Barzanî got: ‘’Bi minasebata vê rojê ve pêwîst dizanim ku xwîşk û birayên xirîstiyan piştrast bikim ku Pêşmerge bi xwîna xwe berevanî li Kurdistanê kir û xwîşk û birayên Mesîhî û pêkhateyên din jî parast û navçeyên wan azad kir, Kurdistan jî berdewam cîhê parastî û piştevanê xwîşk û birayên xirîstiyane û wek nirxên pêkvejiyanê dê bimîne. Herwaha li Kurdistanê hizra teror, cudakirina ola û tayfegeriyê cîhê xwe tuneye. Em hemû di mirovahiyê de birane û hevbeşin û ti hêz û hizrekî şerxwaz nikare biratî û pêkvejiyana me têkbide.
Dawiyê de jî hêvî û daxwazên xwe yên ji bo ev cejn bibe hêvinê xêr û bexteweriyê û hemû salan di aramî û azadî de xirîstiyan cejna xwe bikaribin pîroz bikin anî ziman.
