Serok Barzanî: Nabe ku hêzeke neyasayî li Şingalê bimîne

Serokê Herêma Kurdistanê Mesûd Barzanî li gel mîrên êzidiyan û endamên Encûmena Rûhanî ya Êzidiyan civiya û di civînê de got, "Ew hemû hewildanên xwe ji bo ku Şingalê bikin parêzgar didin."

Barzanî bal kişand ser ku hikûmeta Herêma Kurdistanê, hikûmeta Iraqê û saziyên navdewletî ji bo avakirina Şingalê dixebitin û derbirî ku divê hêzên girêdayî PKKê navçeya Şingalê biterîkinin.

Mesûd Barzanî di axaftina de da zanîn ku ew êş û azara êzidiyan wek êş û azara tevahiya gelê Kurdistanê dizanin û dest nîşan kir ku ji bo azadkirina Şingalê bi sedan pêşmergeyan jiyana xwe ji dest daye.

Serokê Herêma Kurdistanê li ser hebûna hêzeke din a li Şingalê got, "Heta ku dezgehên fermî li navçeyê hebin û hêzên pêşmerge lê hebin, nabe ku hêzeke din li navçeyê be û rê li ber avakirina Şingalê bikire."