Serokwezîrê Herêma Kurdistanê û Serokê Îmaratê civiyan

Serokwezîrê Herêma Kurdistanê Mesrûr Barzanî û Serokê Îmaratê Şêx Mihemed bin Zayid Al Nehyan tekeziyê li girîngiya bihêzkirina hevkarî û hevahengiya navbera Herêma Kurdistanê û Îmaratê dikin.

Duh roja Pêncşemê 17ê Tebaxa 2023an, li bajarê Ebû Zebî, Serokwezîr Mesrûr Barzanî ligel Serokê Îmaratê Şêx Mihemed bin Zayid Al Nehyan civiya.

Di civînê de li ser pêşvebirina pêwendiyên dostane yên navbera dewleta Îmaratê û Herêma Kurdistanê gotûbêj hat kirin û tekezî li ser girîngiya bihêzkirina hevkarî û hevahengiya navbera herdu aliyan di hemû waran de hat kirin.

Di beşeke din a civînê de rewşa giştî ya Iraq û navçeyê û çend mijarên din ên cihê girîngiya hevbeş, hatin gotûbêjkirin.