Senatorê amerîkî: Divê Washîngton ji bo Efrînê helwestê nîşanî Tirkiyeyê bide

Senatorê Chris Van Hollen li Washîngtonê di konferansa bîranîna 30emîn salvegera Helebçeyê de got: "Ji bo Helebçeyên nû çênebin divê em hemû wezîfeya xwe bikin. Divê Civaka navneteweyî li hemberî operasyona leşkerî ya Efrînê bêdeng nemîne û Amerîka jî divê helwesta xxwe li hemberî Tirkiyeyê zelal bike."

Chris Van Hollen di berdewamiya axaftina xwe de got: "Piştgirîdayîna kurdan wezîfeya Amerîkayê ye. Eger kurd nebin em nikarin di tekoşîna dijî terorîzmê de bi ser bikevin."

Hollen di dirêjiya axaftina xwe de got: "Rejima Seddam 30 sal berê li Helebçeyê qetlîam anî serê kurdan, ew ne cara yekem bû heta niha gelek caran rastî qetlîamên wiha hatine."