Wezîrê Derve yê Amerîkayê Anthony Blinken di dawiya hevdîtinên dîplomatîk ên li Neteweyên Yekgirtî, di konferanseke rojnamevanî de got: “Biryariyên ku her du alî di rojên pêş de bigirin, dê rêya ku ev herêm tê re bimeşe diyar bike, ligel encamên xirab li ser gelên xwe, niha û ji bo salên pêş de jî.”
Wezîrê Derve yê Amerîkayê got: “Rêya dîplomatîk dibe ku di vê gavê de dijwar xuya bike, lê ew heye û bi texmîna me pêwîst e.” Herwiha soz da ku Amerîka dê kar bi berdewamî bi hemû aliyan re bike, ji bo gihîştina agirbestê.
Blinken got jî: “Tiştê herî girîng ê ku divê bi rêya dîplomasiyê bê kirin ew e ku şer bê sekinandin, piştre kar ji bo peymanek dîplomatîk a berfireh bê kirin.
Derbarê berjewendiyên Amerîkayê de jî hişyarî da û got: “Amerîka dê hemû tedbîran li hember her aliyekî ku rewşê bikar bîne da ku êrîşî karmend û berjewendiyên Amerîka li navçeyê bike, bigire.”
Roja Çarşemê, Amerîka û Fransayê pêşnîyareke hevbeş pêşkêş kirin ku tê de agirbestek di navbera Îsraîl û Hizbullahê de bo heyama 21 rojan hebû. Lê Îsraîlê guh neda vê bangê û soza têkbirina Hizbullahê da û duhî Înê taxa Başûr a Beyrûtê bombebaran kir.
Herwiha Wezîrê Derve yê Amerîkayê tekezî li ser wê yekê kir, “mafê Îsraîlê heye ku xwe biparêze” lê wî rêya dîplomasiyê, wekî çareseriya herî baş dît.
