Mark Esper berî hilcivîna NATO Tirkîyê hişyar dike

Esper da zanîn ku divê Tirkîyê rê li ber plana NATO ya bo berevanîya Polonya û welatên Baltik negire.

Medya navneteweyî radigihîne ku ger Tirkîye bo planên xwe yê li Sûrîyê ji NATO piştgrîyê nestîne dê rê li ber planên wê yên bo Polonya û welatên Baltik bigire.

Esper dîyar kir ku gotinên Tirkîyê yên ser gefên dijî wê ji alîyê dewletên din yên NATO ve nayê qebûl kirin û da zanîn ku ewê Yekîneyên Parastina Gel (YPG) wek ‘’rêxistineke terorî’’ nebînin.

‘’Herkes naxwaze ku li gor rojeva Tirkîyê tevbigere. Herkes gefan wek ku Tirkîye dibîne nabîne’’ Esper got.

Peywendîya Washington û Enqerê ew demek e jiber kirîna sîstema S-400 ji Rûsya ketiye alozîyê.