Hikûmeta Iraqê mehane 700 milyar dînar ji Herêma Kurdistanê re dişîne

Li gorî agahiyan, Encûmena Wezîran a Iraqê di civîna îro de pêşniyara şanda Hikûmeta Herêma Kurdistanê pesend kir û biryar da ku 700 milyar dînar wek deyn bo 3 mehan ji karmendên Hikûmeta Herêma Kurdistanê re bê şandin.

Roja 14ê Îlonê 2023an şandeke bilind a Hikûmeta Herêma Kurdistanê bi serokatiya Mesrûr Barzanî û amadebûna Cîgirê Serokwezîr Qubad Talebanî serdana Bexdayê kir û li gel her sê serokatiyên Iraqê, aliyên siyasî yên Iraqê û fraksyonên Kurdistanî civiya.

Şanda Hikûmeta Herêma Kurdistanê jî pêşniyar kir ku hikûmeta ji bo mehên (7 - 12) mehane 800 milyar dînar ji Hikûmeta Herêma Kurdistanê re bişîne da ku mûçeyê karmendan bide. Her wiha pêşniyara guhertina çend xalên yasaya bûdceyê yên girêdayî bi pişka Herêma Kurdistanê kir.