Endamê Hevpeymaniya Fetih û Rêxistina Bedir a bi serokatiya Hadî Amirî, Mîsaq Mesarî di daxuyaniyekê de ji Rûdawê re ragihand, Serokwezîrê Iraqê Mihemed Şiyah Sûdanî bi serokatiya şandekê serdana Eyaletên Yekbûyî yên Amerîkayê dike.
Mîsaq Mesarî diyar kir, di serdanê de hejmarek dosyeyên siyasî, aborî û emnî di navbera her du welatan de dê bên gotûbêjkirin.
Endamê Hevpeymaniya Fetih ji got, niha amadekariyên serdanê tên kirin ku biryar wiha ye piştî ahengên sersalê bê kirin.
Mîsaq Mesarî destnîşan kir, heta niha roja serdanê nehatiye diyarkirin, lê belê xebata dîplomatîk di navbera herdu welatan de ji bo rêkxistin û amadekariyên serdanê berdewam dikin.
Iraq û Amerîkayê di sala 2008an de du rêkeftin bi hev re îmze kirin, yek ji wan wek SOFA tê naskirin û ya duyem jî wek Rêkeftina Çarçoveya Stratejîk tê naskirin.
Rêkeftian yekem bi vekişîna hêzên Amerîkayê ji Iraqê di Kanûna 2011an de bi dawî bû, rêkeftina duyem rêkeftineke berfireh e û ne tenî warê ewlehî, lê belê warên siyasî, dîplomatîk, rewşenbîrî, xwendin, jîngeh û gelek mijarên din li xwe digire û ti demek jî jê re nehatiye destnîşankirin.
