Wezareta Derve ya Iraqê li ser êrîşa Mêrdînê daxuyanî da

Wezareta Derve ya Iraqê li ser bûyera îro ya êrîşa li Mêrdînê ku di encam de 4 welatiyên Kurd ên ji Duhokê jiyana xwe ji dest dan û kesek jî bi giranî birîndar bû, karvedan nîşan da.

Berdevkê Wezareta Derve ya Iraqê Ehmed El-Sehaf derbarê bûyerê de ragihand, “Di encama bûyera gulebaranê de li Tirkiyê 4 welatiyên Iraqê jiyana xwe ji dest dan û kesek jî birîndar bûye.”

Berdevkê Wezareta Derve ya Iraqê diyar kir: “Em tekez dikin ku em dê bûyerê bi eleqeyeke mezin bi aliyê Tirkiyê re û bi rêya rayedarên pêwendîdar bişopînin ji bo ku em sedem û hûrgiliyên vê bûyerê bizanin.”