CENTCOMê li ser hesabê xwe yê medya civakî daxuyaniyeke nivîskî belav kir û tê de hat diyarkirin ku di operasyona ku di 15ê Çileyê da li Kendava Omanê hat kirin de zêdeyî 3 hezar çek, 578 hezar gule û 23 mûşekên dijî tankan hatin bidestxistin.
Di daxuyaniyê de hat ragihandin ku hêzên CENTCOMê di 6ê Çile de li Kendava Omanê di keştiyeke masiyan de dest danîn ser zêdetirî 2 hezar û 100 çekên ku ji Îranê bi qaçaxî derbasî Yemenê bûne. heriwha di 4 operasyonên ku di 2 mehên dawî da hatin kirin da zêdeyî 5 hezar çek û 1,6 milyon gule hatin astengkirin ku derbasî Yemenê bibin.
Şêwirmendê Serokê Dîwana Serokatiyê ya Yemenê û Wezîrê Derve yê berê Abdulmelîk el-Mihlafî jî di 24ê Çileyê de di daxuyaniyekê de ragihandibû ku 100 motorên firokeyên bêmirov ên Îranê ku ji aliyê Hûsiyan ve dihatin bikaranîn, li Deriyê Sînor ê Şahnê yê di navbera Yemenê û Umanê de hatin girtin.
Mihlafî daxwaza lêkolîneke navneteweyî li ser motorên firokeyên bêmirov desteserkirî kir û tekez kir ku divê di wê veguhestinê de kî çavan xwe jê re girtine, alîkariyê û asankariyê kirine derkevin holê.
Husiyên Yemenê yên ku Îran piştgirîya wan dike, ji Îlona 2014’an vir ve paytext Sana û hin herêm di bin kontrola wan de ne. Hêzên koalîsyona bi pêşengiya Erebîstana Siûdî ji Adara 2015’an vir ve li dijî Hûsiyan piştgiriya hikûmeta Yemenê dike.
