Ev demeke Rûsya û Îran hewl didin Hikûmetên Sûriyê û Tirkiyê ji hev nêzîk bikin, destpêka meha bê wezîrên derve yên Tirkiyê, Sûriyê, Rûsya û Îranê li Moskowê bicivin
Cîgira Hevserokatiya Encûmena cîbicîkar a Rêveberiya Xweser a Bakur û Rojhilatê Sûriyeyê Emîna Osê di daxuyaniyekê de diyar kir ku Tirkiye û hin welatên Ereb ji ber karesata erdhejê ji rewşa mirovî sûd werdigirin, da ku karibin tecrîdê bişkînin.
Emîna Osê ragihand ku Rûsiya ji bo parastina berjewendiyên xwe, girîngî dide civîna 4 alî û Rûsya hiştiye ku heta niha hikûmeta Şamê li ser lingên xwe bimîne û dibêje “Rûsiya bi piştgiriya leşkerî û peywendiyên xwe yên siyasî di dirêjahiya vê heyamê de bû alîkarê yekem di îstîqrara hikûmeta Şamê de, da ku bikaribe di çarçeweya welatên Rojhilata Navîn de bimîne bêyî ku çareseriyeke berfireh ji bo Sûriyê çareser bike. kirîz ji bo bidestxistina berjewendiyên xwe û kirîza Sûriyê bêyî diyaloga di navbera hemû pêkhateyên Sûriyê de nayê çareserkirin û dûrî berjewendiyên van welatan.”
Osê her wiha got, "Şêwirên vê dawiyê yên di navbera wezîrên derve yên Şam, Tirkiye, Rûsya û Îranê de ji bo çareserkirina kirîza Sûriyê di çarçoveya projeya Astanayê de, ku Rûsya pêbendî wê ye, ji bo pêkanîna dewleta Sûriyê li gorî planên ku di berjewendiya wê ya pêşerojê de ye, pêk bînin. "
Osê tekez kir û got “Ji destpêka van tevgerên siyasî ve, Rêveberiya Xweser helwesta xwe bi zelalî derbarê çareserkirina kirîza navxweyî de, bêyî ku rê bide aliyên derve ku destwerdanê bikin, eşkere kiriye, lê niyeta hikûmeta Şamê ji bo çareseriyê ne cidî ye, û ne mimkûn e ku armanc û peymanên van tevgeran ji bo têkbirina projeya Rêveberiya Xweser e, ji ber ku ev yekane projeya ku stûnên van welatan dihejîne."
Emîna Osê di berdewamiya axavtina xwe de wiha got “Her kes hewl dide ku li dijî projeya Rêveberiya Xweser derkeve, ji ber ku ew yekane pirojeya demokratîk li herêmê ye, û nehêle gelê Sûriyê bigihê asoyên çareserkirina kirîza Sûriyê, ji bilî wê yekê ku alozî di navxwe de berdewam bike, ku xizmeta berjewendiyan dike. hemû welatên ku li ser axa Sûriyê hebûna xwe hene û ajandayên xwe yên derve pêk tînin."
