Rewangeha Sûrî: Di meha Cotmehê de li Sûriyê 344 kes hatin kuştin

Rewangeha Sûrî ya Mafên Mirovan (SOHR) diyar kir, di meha Cotmeha borî de 137 sivîl di şerê Sûrîyê de hatine kuştin, ji wan 19 zarok û 17 jin in.

Li gorî Rewangehê, 77 leşkerên hikûmeta Sûriyê û 12 şervanên Hêzên Sûriyeya Demokratîk (HSD) hatine kuştin û yên din jî ji grub û rêxistinên cuda ên wî welatî ne.

Rewangeha Sûrî ya Mafên Mirovan diyar kir, 5 welatiyên sivîl di zîndan û girtîgehên rejîma Sûriyê de di bin îşkenceyê de hatin kuştin.

Rewangeha Sûrî ya Mafên Mirovan, bangewaziya xwe ji civaka navdewletî re dubare dike ku zextê li rêjîma Sûriyê bike da ku rêzê li azadiya mafên mirovan bigire, girtiyan serbest berde û çarenivîsa kesên winda aşkere bike.