Rûsya daxwaz dike bi zûtirîn dem Hikûmeta nû ya Herêma Kurdistanê pêk bê

Di kongirê heftane yê rojnamevanî de, peyvdara Wezareta Derve ya Rûsya Maria Zakharova, behsa pêşeroja pêwendiyên welatê xwe li gel Herêma Kurdistanê kir û daxwaz kir, ku di zûtirîn dem de, Hikûmeta nû ya Herêma Kurdistanê were pêkanîn û li gel Bexdayê kêşeyan çare bike.

16.11.2018, Cum - 08:10

Rûsya daxwaz dike bi zûtirîn dem Hikûmeta nû ya Herêma Kurdistanê pêk bê
Nuçe Belav bike

Maria Zakharva tekez kir, ku pêwendiyên dostane yên dîrokî û bihêz di navbera Rûsya û Hikûmeta Herêma Kurdistanê de hene û got: Em berdewam di pêwendiyeke siyasî rasterê de ne li gel serokatiya Herêma Kurdistanê.

Zakharova diyar kir, ku di dema derbasbûyî de, li Mosko civînek di navbera nûnerê taybet ê serokê Rûsya ji bo karûbarên Rojhilata Navîn û Bakurê Efrîqya û cîgirê wezîrê derve "Mikail Bogdanov" û şandeke Partiya Demokrat a Kurdistanê de hat lidarxistin.

Peyvdara Wezareta Derve ya Rûsya got jî: Ez bihêvî me partiyên Kurdî hemû bizavên xwe bikin daku bi zûtirîn dem Hikûmeteke çalak û cihê baweriyê pêk bînin, bi awayekî ku karibe nakokiyên di nav Hewlêr û Bexdayê de hene, çare bike.

Nerina Azad
Vî nûçeyê tevayî: 998 kes dît.
Rojanekirina Dawî:17:22:50
Rusya Kurdistana Başur Mariya Zaxarova
Ji vî neweşînê ra tu şirove nehatîye nivîsandin! Tu dixwazî şiroveya ewil binivîsî?
Nerina Azad
Jeffrey: YPG li Sûriyê baskekî PKKê ye
Sefîn Dizeyî: PKK guh nade rewşa Herêma Kurdistanê
x