Serokê Giştî yê PWKyê Mustafa Ozçelîk Beşdarî Tazîyeya Welatperwerê Kurd Kerîm Şingalî Bû

Serokê Giştî yê Partîya Welatparêzên Kurdistanê (PWK) rêzdar Mustafa Ozçelîk li gel heyeteke PWKyê, roja 12.06.2025ê li Hewlêrê, li Mizgefta Celîl Xeyat, beşdarî tazîyeya welatperê kurd Kerîm Şingalî bû.

Mustafa Ozçelîk û heyeta PWKyê, ji endamên Komîteya Karger a Partîya Demokrat a Kurdistanê (PDK) rêzdar Fazil Mîranî, rêzdar Sedat Barzanî û rêvebirên PDKyê û herweha ji zarokên kak Kerîm Şingalî re sersaxî xwestin.

Rêvebirên PDKyê jî spasîya heyeta PWKyê kirin.

Welatperwerê kurd, yek ji pêşmerge û kadroyê pêşeng ê Partîya Demokrat a Kurdistanê (PDK) û kedkar, xebatkar û têkoşerê doza azadîya Kurdistanê, Wezîrê Navxweyî yê Hikûmeta Herêma Kurdistanê yê berê kak Kerîm Şingalî ji ber nexweşîya xwe koça dawî kiribû.

Buroya Ragehandinê ya Partîya Welatparêzên Kurdistanê (PWK)