Çavuşoglu: PKK li Şingalê be, em ê lê xin

Çavuşoglu diyar kir ku PKKê niha li Şingalê ye û wiha got: ""Em çima diçin Kandîlê û li PKKê dixin? Niha li Şingalê ye û ji wê derê tê. Eger ji Sûriyeyê jî werin, peywira me ya sereke ye ku em ê biçin wan terorîstan bêbandor bikin."

Herwiha wezîrê tirk diyar kir ku wan ji Rûsyayê re teqez kiriye ku divê PYD beşdarî civînên Astanayê yên plankirî nebe û Rûsyayê jî ev daxwaza me fêm kir.

Derbarê hebûna YPGê li Minbicê de jî, Çavuşoglu got: "Em dizanin endamên PYD/YPG li Minbicê ne. Duh serokkomar Erdogan bi telefonê ji hevkarê xwe yê amerîkî Obama re jî heman tişt got. Obama jî got ku divê ew hêz vekişin rojhilatê Firatê.