HDP: Heftiya pêş dê şandeyekî me ya bilind serdana herêma Kurdistanê bike!

Berpirsê ofîsa HDPê li herêma Kurdistanê Abîd Îke ji basnewsê re ragehand: ‘’Biryare roja 08.09.2019ê şandeyekî bilind a HDPê bi serokatiya Hevserokê HDPê Sezaî Temellî û çend berpirsên din ên payebilind de bigehin herêma Kurdistanê.’’

Herwaha got: ‘’Ew şande biryare bi armanca pîrozbahiya pêkanîna kabîneya nû ya hikûmetê, serdana serokatiya herêmê û serokatiya hikûmeta herêma Kurdistanê bikin.’’

Piştre jî şandeya HDPê dê li gel aliyên siyasî yên din ên herêma Kurdistanê jî bicivin.

Endamê şandeya HDPê pêktê ji Hevserok Sezaî Temellî, Hevserokê KCDê û parlamenterê Agirî Berdan Ozturk, Berdevka fraksiyona HDPê li parlamentoya Tirkiyê Fatma Kurtulan, Berdevka dîplomasiya komîsyona jinan a HDPê Feleknaz Uca, cîgirê hevserokê HDPê Nazmî Gur, Parlamenter Îmam Taşçier, li nûnertiya HDPê li herêm Kurdistanê Muzeyyen Guneş, berpirsê ofîsa HDPê li herêma Kurdistanê Abîd Îke.