Li navçeya Elbeyliyê ya parêzgeha Kilîsê 2 malbat bi hev ketin û di encamê de 9 kes birîndar bûn.
Li gor zanyariyan, li gundê Beylerbeyiyê yê navçeya Elbeyliyê bi sedema ku traktorê zerer daye boriya avdanê di navbera 2 malbatan de alozî derket.
Her du malbat piştre bi kevir û daran êrişî hev kirin û di encamê de 9 kes birîndar bûn.
Li ser agahdarkirinê tîmên tenduristiyê û cendirme çûn cihê bûyerê.
Tîman birîndar bi ambûlansan veguhestin Nexweşxaneya Dewletê ya Prof. Dr. Alaeddin Yavaşcayê.
Hêzên ewlehiyê li gund tedbîr zêde kirin û wan di nav gund de dest bi lêpirsînê kir.
Malbatan bi kêr û çekan êrişî hev kir
Her wiha li heman parêzgehê şeva borî di navbera 2 malbatên din de jî alozî derket.
Her du aliyan bi kêr û çekan êrişî hev kir û di encamê de yek jê giran 3 kes birîndar bûn.
Li gor agahiyan li taxa Ekrem Çetînê zarokên 2 malbatan li hev xistin.
Piştre da ku bûyer mezin nebe mezinên her 2 malbatan civiyan lê di navbera wan de alozî derket û bi çek û kêran li hev xistin.
Di encamê de kesek bi çekê û kesek jî bi kêrê birîndar bû.
Kesên gumanbar dema ku dixwestin ji cihê bûyerê birevin bi otomobîlê li kesekî bi navê M.Ç qelibî.
Li ser agahdarkirinê tîmên tenduristiyê û polîs çûn cihê bûyerê û her sê birîndar bir Nexweşxaneya Dewletê ya Prof. Dr. Alaeddin Yavaşcayê.
Tê gotin ku rewşa tenduristiya M.Ç nebaş e.
Piştî bûyerê 3 kes hatin desteserkirin.
