Li Mêrdînê hemû çalakî 7 rojan hatin qedexekirin

Li bajarên Bakurê Kurdistanê bi hincetên cuda qedexe bi dawî nabin.

Li parêzgeha Mêrdînê hemû cure xwepêşandan û çalakî 7 rojan hatin qedexekirin.

Parêzgariya Mêrdînê ragihand, hemû curê xwepêşandan, meş, çalakiyên rûniştinê, vedana konan û standan û çalakiyên din ji demjimêr 00:01ê 13ê Çiriya Pêşînê heta demjimêr 24:00ê 19ê Çiriya Pêşînê hatine qedexekirin.

Li gorî daxuyaniyê, biryara qedexekirinê çalakiyên fermi û yên ku bi destûra parêzgar û qeymeqaman in li xwe nagire.

Vê hefteyê li parêzgehên Amed, Dêrsîm, Çewlîg û Wanê jî hemû cure çalakî hatibûn qedexekirin.