Parêzgarê Hewlêrê Li Amedê Seredana PWKyê Kir

Parêzgarê Hewlêrê Rêzdar Umed Xoşnaw  li gel heyeta xwe îro li Amedê seredana Partîya Welatparêzên Kurdistanê (PWK) kir.

Serokê Giştî yê PWKyê Rêzdar Mustafa Ozçelîk û rêvebirên PWKyê, bi awayekî germ pêşewazîya Parêzgarê Hewlêrê Rêzdar Umîd Xoşnav  û  heyeta li gel cenabê wî kirin.

Rêzdar Mustafa Ozçelîk bixêrhatina Rêzdar Umed Xoşnaw  û heyeta li gel kir û ji ber vê seredanê spasîya wan kir.

Rêzdar Mustafa Ozçelîk, di derbarê bîr û rayên PWKyê de agahdarî da û piştigirîya PWKyê ji bo destkeftîyên federe yên Herêma Kurdistanê anî zimên.

Rêzdar Umed Xoşnaw  jî ji ber vê pêşewazîyê spasîya PWKyê kir, di derbarê rewş û girîngîya Herêma Kurdistanê de agahdarî da û girîngîya xebata sîyasî, aştîyane, demokratîk ya li Bakurê Kurdistanê anî zimên.

Parêzgarê Hewlêrê Rêzdar Umed Xoşnaw  kêfxweşîya xwe ya ji bo vê pêşewazîya PWKyê ya  dostane û germ anî zimên..

Buroya Ragehandinê ya Partîya Welatparêzên Kurdistanê (PWK)