PAK: Em Serokê Hikûmeta Herêma Kurdistanê Rêzdar Mesrûr Barzanî û Hikûmeta Nû Piroz Dikin
Roja 10.07.2019an Parlamentoya Kurdistanê, bi piranîyeke mezin ya dengan, Hikûmeta Nû ya Herêma Kurdistanê pesind kir.
Em Serokê Hikûmeta Herêma Kurdistanê Rêzdar Mesrûr Barzanî û hemû wezîrên rêzdar yên hikûmeta nû piroz dikin, serkeftinê ji cenabê wan re dixwazin.
Hikûmeta Nû ya Herêma Kurdistanê di pêvajoyeke hesas de dest bi wazîfeyê dike.
Lihevkirina PDK, YNK û Goranê, ku her sê partîyên mezinin û beşdarîya nûnerên Asuri-Keldanîyan û Tirkmenan ya di hîkûmeta nû de, nîşana îradeyeke xurt, netewî û niştimanî ye.
Damezrandina hikûmeta nû nîşana berdewamîya demokrasîyê ye, nîşana lêxwedî derketina destkeftinên li Başûrê Kurdistanê ye .
Di demokrasîyan de bi qasî hikûmetê, opozîsyon( mixalefet) jî xwedî watinî û roleke girîng e. Kontroleke baş û çêker ya partîyên opozîsyonê yên di Parlamentoya Kurdistanê de ya li ser Hikumeta Kurdistanê , dê zemîna pêk anîna watinîyên hikûmetê xurtir û mîsogertir bike..
Em bawer dikin ku, bi aheng û koordînasyona Serokê Herêma Kurdistanê Rêzdar Nêçirvan Barzanî, Serokê Hikûmeta Herêma Kurdistanê Rêzdar Mesrûr Barzanî û hikûmet û Parlamentoya Kurdistanê, li gel Bexdayê dê pêvajoyeke nû destpêbibe.
Herweha em di wê bawerîyê de ne ku, ji bo bicîhanîna madeya 140î û ji bo bi cîh anîna hemû Qanûna Bingehîn a Federal a Iraqê, hemû alîyên Kurdistanî bi helwesteke yekgirtî dê tevbigerin.
Em bi hêvî û bawerin ku, hikûmeta nû ji bo çareser kirina pirsgirêkên aborî, îdarî, eskerî, civakî yen herema Kurdistanê; ji bo ava kirina dezgehên dewletbûnê, yek kirina hêza pêsmerge dê bernameyeke nû ku bikaribe bicîh bîne bide ber xwe. Û em bawer dikin ku ji bo pêk anîna edaleta civakî , ji bo baş kirina rewşa xelkê Kurdistanê gavên radìkal dê bêne avêtin.
Baş kirina rewşa xuşk û birayên me yên Kurdên Êzidî û piştgirîyeke taybet ya ji bo wan jî watînîyeke niştimanî û dîrokî ya li ser milê Hikûmeta Nû.
Em di wê bawerîyê de ne ku, li gel van tecrubeyên xwe yên heyî, Rêzdar Mesrûr Barzanî û hikûmeta nû di qada dîplomasîya navnetewî de dê xebateke nû ya profesyonel û xurt dest pê bikin. Divê ji bo zêdekirina dostên kurdan û ji bo kêm kirina dijmin û dijberên kurdan dîplomasîyeke berhemdar bê meşandin.
Em hêvî û bawer dikin ku Hikûmeta Nû ya Herêma Kurdistanê dê ji bo aşitî, yekrêzî û li hev xwedî derketina navxweyî û ji bo parastin û pêşdebirina destkeftîyên heyî yên li Başûrê Kurdistanê dê roleke dîrokî bilihîze.Herweha ji bo piştigrî, hevkarî û li hevdu xwedî derketina di navbera her çar perçeyên Kurdistanê de jî dê roleke niştimanî bilihîze.
Yekgirtin, hevkarî, li hev xwedî derketina netewî û niştimanî bingehê esasî yê paşerojeke azad ya gelê me ye.
Em bi hestên xwe yên netewî û niştimanî piştgirîya Hikûmeta Nû ya Herêma Kurdistanê dikin û Serokê Hikûmeta Herêma Kurdistanê Rêzdar Mesrûr Barzanî, Cîhgirê Serokwezîrê Hikûmeta Herêma Kurdistanê Rêzdar Qubat Talabanî û hemû wezîrên rêzdar yên Hikûmeta Nû pîroz dikin, serkeftinê ji cenabê wan re dikwazin.
Li gel rêzên xwe.
Mustafa Özçelik
Serokê Giştî yê PAKê
PSK: Bo Serokwezîrê Hikumeta Herêma Kurdistanê Hêja Mesrur Barzanî,
Serokwezîrê hêja,
Ez bi navê hemu heval, hogir, endam û kadrên Partiya xwe, pir bi dil pîrozbayiya xwe pêşkeşê bo cenabê te û bo hemu wezîrên Kabîneya Nehan dikim.
Kabineya nehan di navçeyekê gelek aloz û zirufeka gelek hestyar da dest bi kar dibe û erkên gelek pîroz û girîng li pêşiya hikumeta we hene.
Em piştrast in, kabîneya Nehan, di bin serokatiya we û bi alîkariya aliyên siyasî yên welatparêz û dilsojên Kurdîstanê ve erkên xwe cî be cî bike û deskevtên netewî, ku berhema xebat û tekoşînê dijwar e, berhema xwîna bi hezaran şehîdan e, biparêze û pêşve bibe.
Kabîneya Nehan bo gelê Kurdistanê pîroz be.
Serketina we dixwazim.
Mesud Tek
Serokê Giştî
PAKURD: Birêz Mesrûr Mesûd Mistefa Barzanî,
Îro Parlamentoya Kurdistanê bawerî da cenabê te û hikûmeta nehemîn a Herêma Kurdistanê. Em bi vê biryarê kêfxweş û bextewar in. Wek serokwezîrê hikûmetê cenabê te û wezîrên qabîneyê pîroz dikim. Di xebatan we yên perwerdehî, edalet, gihandin, asayîş û dirûstkirina ekonomiyê da ji bo we hemiyan serkeftinê dixwazim.
Îbrahim Xelîl Baran Serokê Giştî ya Partiya Kurdistanî
PDK-Bakur:
