PWK serexweşiyê li malbatên qurbaniyên şewata Amed û Mêrdînê dike

Partiya Welathezên Kurdistanê (PWK) di daxuyaniyeke nivîskî de ragihand ku di şewata li herêma navbera navçeya Çinar a Amedê û Şemrexa navçeya Mêrdînê derketî de 9 kesan jiyana xwe ji dest da û zêdetirî 40an kes jî birîndar bûn. Herwesa PWK di wê daxuyaniya xwe de serexweşiyê li malbatên qurbaniyên şewata Amed û Mêrdînê dike.

Di wê daxuyaniyê de wiha hat gotin:

“Ji bilî ziyanên canî, bi raya giştî re hat parvekirin ku şewatên ku ziyaneke mezin di warê aborî de ne, di encama şikandina têlên elektrîkê de ji ber germbûna zêde û ketina nav stûyê dest pê dike û belav dibe.

Hate fêmkirin ku destwerdana saziyên pêwendîdar ên dewletê di dema xwe de û têrker bû sedemek sereke ku ev şewat veguhere karesatekê.

Em bang li rayedarên dewletê dikin ku berpirsyariyên xwe bi cih bînin û gelê me jî ji bo xwedîderketina li birîndarên vê felaketê bi hev re seferber bibin. Em ji malbatên kesên jiyana xwe ji dest dane re sersaxiyê dixwazin û ji birîndaran re jî şîfayê dixwazin.”