Dezgeha Xêrxwazî ya Barzanî firneyek ji bo ziyandîtiyên erdheja Efrînê vekir

Berpirsê alîkariyên Dezgehê Xêrxwazî ya Barzanî ji bo Efrîn û Cindirêsê Rewac Hacî ji K24ê re got: “Piştî zêdetir ji karê me yê li Efrînê, me îro projeyeke nû ji bo ziyandîtiyên erdhejê li Efrînê vekir. Firneyek dê rojane 4 ton ard dê ji me re bike nan û em ê bê beramber li xelkê belav bike.”

Da zanîn jî, proseya beşavkirin nan dê bi riya muxtarên taxên bajêr û gundan re be û got: “Vekirina vê firneyê cihê dilxweşiya xelkê Efrînê ye, ji berk u projeyeke giring e, bi taybet di vê qonaxê de.”

Ji ber erdheja 6ê Sibata borî, gelek ziyanên canî û madî gihîşt Efrîn û gundên wê û bi taybet bajarokê Cindirêsê ku bi hezaran xanî hilweşiyan û zêdetir ji hezar kesî jî canê xwe ji dest dane.

Piştî erdhejê, Dezgeha Xêrxwazî ya Barzanî wek yekem aliyê xêrxwaziyê gihîşt Efrînê û alîkariyên mirovî û bijîşkî li ser ziyandîtiyên erdhejê belav kirin.

Endamê Dezgeha Xêrxwazî ya Barzanî li Efrînê Bêwar Kerîm pêr Şemiyê ji K24ê re got, heta niha wan kariya alîkariyan bigihînin Efrîn, Cindirês û 75 gundan. Plana wan jî ew e ku ew alîkariyan li hemû gundên Efrînê belav bikin.