Mesrûr Barzanî di korbenda Aştî û Ewlekariya Rojhilata Navîn de got: "Di destpêka kabîneya nehemîn de em bi gelek pirsgirêkan re rû bi rû man. Tiştê ku di rojeva hukûmeta me de hebû pir baş bû, lê dema ku COVID-19 hat, bihayê neftê ket Herêma Kurdistanê, li her tişt rawestiya, paşê şerê Ukraynayê jî bû sedema kêmbûna xwararkê û bihayê neftê zêde bû, em neçar man ku bi van hemûyan re rû bi rû bimînin.
Divê em di dema reforman de jî qeyranê birêve bibin.Ez spasiya gelê kurd dikim ji bo sebir û tehamûla wan li hember hikûmetê. Pirsgirêkên me yên kêmbûna pereyan hebûn, lê ev hemû nekarîn me asteng bikin. Belê, kêşe hene, lê ji bo me derfetek e ku em kar bikin, em çawa dikarin kar bikin û reforman baştir bikin.
Me li Herêma Kurdistanê daxwaz kiriye ku li ser bingeha berjewendiyên hevbeş, bi cîranên xwe re peywendiyeke baş hebe. Lê çend caran ji aliyê Îranê ve em rastî êrîşan hatin. Ev yek binpêkirina yekparçeyî û serweriya Iraqê ye. Em nafikirin ku sedemek van pirsgirêkan hebe. Ger pirsgirêk hebin divê bi diyalogê bên çareserkirin.
Em dizanin ku li herêmê gelek guhertin hene û di hundirê Îranê de jî gelek alozî hene, nabe ku van aloziyan li welatên cîran belav bikin. Em bang li hemû cîranan dikin ku rêzê li serweriya Iraq û Herêma Kurdistanê bigirin.
Hemû hevkarên me bi zelalî kar kirin, êrîş şermezar kirin û bi me re hevkarî kirin û Hikûmeta Federal mil bi mil bi me re rawestiya ye ku bi hev re yekparçeyiya Herêma Kurdistanê biparêze û ji bo çareserkirina pirsgirêkan banga diyalogê kir.
Reform ne tiştekî wisa ye ku meriv bigihêje astekê û bêje qediya ye, lê ew pêvajoyek berdewam e û ne girîng e ka çiqas bidome. Ji bo ku em pişta xwe nedin yek çavkaniyeke dahatê me aborî pirreng kiriye. Me karekî baş kiriye, wek nimûne, me hefteya borî yekem hinardekirina çandiniyê kir, ev yek ji cotkarên me re hêsantir dike ku veberhênanê bikin.
Ji aliyek din ve, me hewl da ku xizmetên heyî online bikin û wan baştir bikin, îhaleyan zêde bikin, ev yek jî alîkariya hikûmetê kir ku karê xwe baştir bike û me gelek derfet ji welatiyan re peyda kirin da ku zû bigihîjin tiştê ku dixwazin kar bikin.
Dema ku me dest bi kabîneya nehemîn kir, me bi hemû hêza xwe hewl da ku van pirsgirêkan çareser bikin. Jixwe me navendek danûstendinê ava kiriye da ku dema mirov biryaran didin, bi awayekî daneyî biryaran bidin.Bi vî awayî em dikarin binesaziya xwe ava bikin. Em dikarin her tiştî û baş bin, û ev dikare bibe reformek baş.
Tundrewî û teror pirsgirêkek e. Em dibînin ku DAIŞ niha kar dike û hîn jî metirsî heye. Gelek bîrdozî û komên cuda hene ku bi berpirsyarî tevnagerin. Weke mînak gelek çareserî ji bo rûbirûbûna DAIŞê hatine kirin, da ku hêzên me bikarin terorîstan ji nav bibin, lê pêwîst e hemahengiya xwe bi Hikûmeta Federal re berfirehtir bikin, rêkeftina me ligel Hikûmeta Bexdayê heye ku du lîwayên hevbeş li şûna wê hikûmetê ava bikin. Divê zêdetir xizmetê ji welatiyan re bikin. Tundrewî dema ku xizmet û kar hindik bin çêdibe, ji bo çareser kirina vê yekê divê hikûmet zêdetir karan biafirîne û ewlekariya baş ava bike.”
Li Iraqê destûreke me heye û divê bi vî awayî were cîbicîkirin û li hember tiştên ku di destûrê de hatine nivîsandin, berpirsyar bin. Iraq û Kurdistan ji bo ku paşeroja xwe ber bi pêş ve biçe û geş bin, tenê pişta xwe bi neft û gazê negirin, wek hikûmeta Herêma Kurdistanê karê me pirrengkirina aboriya xwe ye. Meriv çawa sektora tenduristî û perwerdehiyê baştir dike. Em di wê baweriyê de ne ku divê em li gel hikûmeta Iraqê kar bikin û yasaya neft û gazê hebe, ne li ser çavkaniyan şer bikin, lê li ser çawaniya birêvebirina wan gotûbêjan bikin. Em dixwazin kar biafirînin.Li ofîsa min me bi kardêr û şîrketan re kar kir ka em çawa dikarin kar biafirînin. Li Herêma Kurdistanê gelek ciwanên me yên jêhatî hene, planên me hene ku em çawa dikarin alîkariya wan bikin. Fikra min ew e ku ez alîkariya sektora taybet bikim û zexta li ser hikûmet û sektora taybet rakim. Giranî gfirtina sektora taybet dê zêdetir kar û derfet ji welatiyan re peyda bike.
Çend roj berê min Enstîtuya Nûjen a Kurdistanê ragihand, zanyar û welatiyên nûjen tê de nêrînên xwe nîşan didin û hikûmet jî alîkariya wan dike, ev hemahengî ye, girîng e sektora taybet û giştî li hev bicivin. karê xwe bikin û jiyana xwe baştir bikin.
