Fînala Newrozê îro li Amedê ye

Li Bakurê Kurdistanê duh li Wan, Colemêrg û gelek bajar û bajarokên din ahengên berfireh ji bo pîrozkirina Newrozê birêve çûn.

Herwiha li bajar û bajarokên Tirkiyê jî Kurda bi coşeke mezin Newroz pîroz kirin. Li Stenbolê jî ahengeke Newrozê ya bi beşdariya sede hezaran hat sazkirin.

Pîrozbahiya mezin ku dibe fînala Newroza îsal li Amedê dibe. Hevseroka HDPê Pervîn Buldan, Hevserokê KCDê Berdan Ozturk, siyasetmedarê naskirî yê Kurd Ahmet Turk û nûnerên partiyên Tifaqa Kurdistanî û herwiha ji perçeyên din ên Kurdistan û cîhanê dê gelek kesayet û delegasyon cihê xwe di pîrozbahiya Newroza Amedê de bigirin.

Jibilî Amedê îro li van bajar û bajarokên Bakurê Kurdistan û Tirkiyê ahengên Newrozê hene: Cizîr, Agirî, Sêrt, Nisêbîn, Wêranşar, Gever, Hezex, Cizîr, Konya, Çelê, Tatos, Mûş, Ceyhan.